walaallayaa waxaan jeclahay in aan halkan kusoo bandhigo tix gaaban oo gabay ah oon oogu magac daray: Allahayow gaboodkey faleen gama´a noo diidye.
taas oo katurjumaysa dhibka haysta maanta umadda soomaaliyeed guud ahaan iyo gaar ahaan kan kuhabsaday ummaad soomaaliyeed ee kunool Ogaadeenya waxaana kubilaabay hadalkii sidan:

guud ahaan gayiga soomaaliyeed maanta wuu gubane

gaajiyo haraadbay qabaan goballadeedii

niman gawsa weynbaa heloo gaalla wuuyimide

balse geeribay kadoorteen inay gumeysi yeelaane

gamaskay cabbaysteen dhammaan ina gun mooyaane

hayeeshee waxaan maanta gali xaajo guda weyne

waa aduun gadoomoo kufriga loo gurbaan tumiye

waa aduun ninkii giniya raba ubadka googoyne

waa aduun xumaan loo gudboo dhiigu gobo´leyne

waa aduun ninkii geesiyaa giirka laga goyne

waa aduun tigree xoog kugali meel kastoo godane

gadhwadeenadiisuna yahiin Geedi oo kale

Gaagaab iyo ragii eeda galay ceebna garan waayay

Allahayow gaboodkey faleen gama´a noo diidye

gumeysigan madowbey rabaan inay gunneeyaane

gobi saa mayeesheen illeen gacalku waa beene

Sooyaan haday u gacan gasheen nimanka gagaaban(tigree)

oo Dhiire meel uu kujiro aan lagaraneynin

Adigey Rabow kuu go´een JAWXO (onlf) ood garane

gaalkey la diriraan kufriga gubay dhulkoodiiye

diinteyna garbsiinayaan taana waad garane

Guullow Allahayow Rabow gacan inaad siiso

geesiyaasha JAWXAAN rabaa inaad gar gaartaye

inaad gaalka madhisaan rabaa gabi ahaantiise

kawgurbaan tumaayaan rabaa inaad kagoysaaye

ubadkeyga gaajadu dishee cudurku googooyay

nimankaa gumeysteed Rabow garan xumaantooda

ruuxii ka geylaymana dili gabanna reebeynin

gabaygeyga kuma koobi karo xumahay geysteene

Gacan bira gantaaliyo Allow gudumo soofeysan

guulaamo roobkeedu yahay gaaska lagu hoobtu

Guullow kusiidaa kuwaa guudka nagasaaran

Mohamed Abdi Wali

Hanqadh